جنید کی گاڑی کا چالان کرنے پر مریم نواز کا ردعمل بھی سامنے آگیا

لاہور(کھوج نیوز) وزیراعلیٰ پنجاب کے بیٹے جنید کی گاڑی کا چالان کرنے پر مریم نواز کاردعمل بھی سامنے آگیا ہے ، انہوں نے اس حوالے سے کیا کہا؟ تمام تر تفصیلات سامنے آگئی ہیں۔

تفصیلات کے مطابق وزیراعلیٰ پنجاب مریم نواز کا کہنا تھا ڈالا کلچر اور اسلحہ کی نمائش مجھے بالکل پسند نہیں، گھر آتے وقت میرے بیٹے جنید کے ساتھ سکیورٹی کی گاڑیاں تھیں، پولیس نے گاڑیوں کو روکا تو پیچھے گاڑی میں جنید بیٹھے ہوئے تھے۔ وزیر اعلی کا کہنا تھا مجھے واقعے کا پتہ چلا تو میں نے بھی اس اہلکار کو فون کر کے شاباش دی، وزیراعلی کا بیٹا ہو یا کوئی اور، کوئی قانون سے بالاتر نہیں، آج ملزمان قسم اٹھا کر کانوں کو ہاتھ لگا کر جرائم سے تائب ہو رہے ہیں۔

ان کا کہنا تھا جنید کو دیکھ کر پولیس اہلکار نے معذرت کی کہ ہمیں نہیں پتا تھا، اہلکار نے کہا کہ نہیں پتا تھا کہ گاڑی میں وزیراعلی کا بیٹا بیٹھا ہوا ہے، پولیس اہلکار نے جنید کو کہا کہ ہم آپ سے معافی مانگتے ہیں کہ آپ کو روکا۔ مریم نواز کا کہنا تھا فخر ہے کہ جنید نے پولیس اہلکار کو کہا کہ آپ نے اپنی ڈیوٹی سرانجام دی، میرے بیٹے نے اپنی سکیورٹی کی گاڑی کا چالان کرنے والے کو شاباش دی، جنید نے اہلکار سے کہا کہ آپ نے روکا تو اپنی ڈیوٹی نبھائی، چالان کریں۔