پختونخوا کے کتنے فیصد شہری احتجاج کے حق میں ہیں؟ رپورٹ جاری

خیبرپختونخوا (کھوج نیوز) پختونخوا کے کتنے فیصد شہری احتجاج کے حق میں اور کتنے فیصد احتجاج میں شمولیت کے خلاف ہیں؟ اس حوالے سے تازہ ترین سروے رپورٹ جاری کر دی گئی ہے۔

تفصیلات کے مطابق گیلپ پاکستان سروے رپورٹ میں بتایا گیا ہے کہ خیبرپختونخوا کے عوام کی اکثریت احتجاج کے خلاف رائے دی اور 85 فیصد نے صوبائی حکومت کو وفاقی حکومت کے ساتھ مل کر کام کرنے کا مشورہ دے دیا۔ سروے میں 60 فیصد شہری صوبائی حکومت کے ماضی میں دھرنوں اور احتجاج سے بھی ناراض نظرآئے اور تنقید کرتے ہوئے کہا کہ صوبائی حکومت نے عوام کی فلاح و بہبود کے بجائے دھرنے اور احتجاج پر وقت ضائع کیا۔

سروے کے مطابق وفاق سے تعاون کی حمایت اپوزیشن کے علاوہ 86 فیصد پی ٹی آئی سپورٹرز نے بھی کی۔مستقبل میں پی ٹی آئی کے مظاہروں میں شرکت کے سوال پر 53 فیصد نے کسی بھی احتجاج میں جانے سے انکار کیا البتہ 40 فیصد نے شرکت کا ارادہ ظاہر کیا۔32 فیصد نے ماضی میں احتجاج کی حمایت کی، اس سب کے باوجود سروے میں شامل 60فیصد شہریوں نے وفاق کے خلاف احتجاج کو درست حکمت عملی قرار دیتے ہوئے اسے تبدیلی کیلئے مؤثر قرار دیا۔