عافیہ صدیقی کیس، ہائیکورٹ کا حکمنامہ سپریم کورٹ میں چیلنج

اسلام آباد(کھوج نیوز)ڈاکٹر عافیہ صدیقی کیس میں وفاقی حکومت نے ہائیکورٹ کے حکمنامے کو سپریم کورٹ میں چیلنج کر دیا ہے ، فوزیہ صدیقی کی اصل درخواست والی استدعا پر عمل ہوچکا ہے۔

تفصیلات کے مطابق وفاقی حکومت نے اسلام آباد ہائی کورٹ کے حکم نامے کے خلاف سپریم کورٹ میں اپیل دائرکردی ہے۔ وفاقی حکومت کی جانب سے اپیل میں کہا گیا ہے کہ16 مئی کو ہائیکورٹ نے فوزیہ صدیقی کی درخواست میں ترمیم منظورکی، فوزیہ صدیقی کی اصل درخواست والی استدعا پر عمل ہوچکا ہے۔

اپیل میں کہا گیا ہے کہ درخواست میں ترامیم سے کیس کو طول دیا جا رہا ہے، ہائی کورٹ آرٹیکل 199 کے اسکوپ سے باہر جا کرکارروائی جاری رکھے ہوئے ہے، اسلام آباد ہائی کورٹ کا 16 مئی کا حکم نامہ کالعدم قرار دیا جائے۔ وفاقی حکومت کا مؤقف ہے کہ عافیہ صدیقی سے متعلق قونصلر رسائی بھی دی جاچکی ہے۔