عمران خان کیا چاہتے ہیں؟ جاوید لطیف کی نئی منطق

لاہور(کھوج نیوز) پاکستان تحریک انصاف کے بانی عمران خان کیا چاہتے ہیں؟ اس حوالے سے مسلم لیگ ن کے سینئر رہنماء جاوید لطیف کی نئی منطق سامنے آئی جس پر نئی بحث کا آغاز ہوگیا۔

تفصیلات کے مطابق مسلم لیگ ن کے سینئر رہنماء جاوید لطیف کا کہنا تھا کہ تحریک انصاف کے جیل سے باہر رہنماؤں کے مفادات موجودہ سسٹم سے جڑے ہیں اورعمران خان آج بھی موجودہ سسٹم کا حصہ بننے کے لیے بے تاب ہیں۔ جاوید لطیف نے مزید کہا کہ ملک کو آگے لے کر جانا ہے تو نواز شریف کو کردار ادا کرنے پر تیار کیا جانا چاہیے۔ انہوں نے کہا کہ 9 مئی نے سسٹم کو پاؤں پر کھڑا کیا، جنرل باجوہ کی پہلی ایکسٹینشن میں بھی نواز شریف کی حتمی منظوری شامل نہیں تھی۔