موسلادھار بارش، رہائشی علاقے زیر آب، شہری گھروں تک محدود

راولپنڈی ، اسلام آباد(کھوج نیوز) راولپنڈی اور اسلام آباد میں تیز ہوائوں کے ساتھ موسلادھار بارش ہوئی جس سے ناصرف رہائشی علاقے زیر آب آگئے بلکہ شہری گھروں تک محدود ہو کر رہ گئے ہیں۔

تفصیلات کے مطابق منیجنگ ڈائریکٹر (ایم ڈی) واسا نے بتایا ہے کہ راولپنڈی میں نالہ لئی کے کیچمنٹ ایریا سیدپور میں موسلا دھار بارش ہوئی جہاں سب سے زیادہ 124 ملی میٹر بارش ریکارڈ کی گئی۔ ایم ڈی واسا کے مطابق گولڑہ میں46 ملی میٹر، پی ایم ڈی کے مقام پر 16 ملی میٹر بارش ریکارڈ کی گئی۔

راولپنڈی میں بارش کے بعد نالہ لئی میں کٹاریاں کے مقام پر پانی کی سطح 10 فٹ اورگوالمنڈی پل پر 5 فٹ ہوگئی۔ ضلعی انتظامیہ نے بتایا کہ غیر قانونی تعمیرات کی وجہ سے سید پور میں پانی کا بہاؤ تیز ہوگیا جس کی وجہ نالے میں ایک گاڑی بھی گر گئی۔ ترجمان ضلعی انتظامیہ نے کہا کہ سید پور میں قائم تجاوزات کی وجہ سیبارش کا پانی نشیبی علاقوں میں کھڑا ہے۔