عافیہ صدیقی کیس سے متعلق بیان، اسحاق ڈار کی وضاحت سامنے آگئی

اسلام آباد(کھوج نیوز) امریکا میں قید ڈاکٹر عافیہ صدیقی کس سے متعلق بیان پر نائب وزیراعظم و وزیر خارجہ اسحاق ڈار نے وضاحت جاری کر دی جس کے بعد ایک نئی بحث چھیڑ گئی ہے۔

تفصیلات کے مطابق نائب وزیراعظم و وزیر خارجہ اسحاق ڈار کا کہنا تھاکہ میرے گزشتہ روز اٹلانٹک کونسل تھنک ٹینک واشنگٹن میں عمران خان کے کیس کے بارے سوال کے جواب میں ڈاکٹر عافیہ صدیقی کے کیس کے حوالے کو سیاق و سباق سے ہٹ کر لیا جا رہا ہے۔ انہوں نے کہاکہ ن لیگ کی حکومتوں کے ادوار میں ہم ہمیشہ ڈاکٹر عافیہ صدیقی کی رہائی کیلئے تمام تر سفارتی اور عدالتی معاونت فراہم کرتے رہے ہیں اور آئندہ بھی کرتے رہیں گے جب تک کہ رہائی کا معاملہ حل نہ ہو جائے۔ ان کا کہنا تھاکہ ہر ملک کے عدالتی و قانونی طریقہ کار ہوتے ہیں جن کا احترام کیا جاتا ہے چاہے وہ پاکستان ہو یا امریکا۔ نائب وزیراعظم کا کہنا تھاکہ ڈاکٹر عافیہ صدیقی کی رہائی کے معاملے پر ہماری حکومت کا مقف دو ٹوک اور واضح ہے۔