امریکا کیساتھ تجارتی معاہدہ، سٹاک ایکسچینج کو پر لگ گئے

کراچی (کھوج نیوز) پاکستان اور امریکا کے درمیان ہونے والے تجارتی معاہدے کے بعد سٹاک ایکسچینج کو پر لگ گئے ہیں ، 100 انڈیکس کہاں تک پہنچ گیا، تمام ریکارڈ ٹوٹ گئے۔

تفصیلات کے مطابق آج کاروبار کے دوران 100 انڈیکس میں مجموعی طور پر1644 پوائنٹس کا اضافہ ہوا۔ امریکی صدر ٹرمپ کی جانب سے پاکستان کے ساتھ تجارتی معاہدے کے اعلان کے بعد ٹیکنالوجی، آئل اینڈ گیس ایکسپلوریشن اور کمرشل بینک کے شعبوں میں سرمایہ کاروں کی دلچسپی رہی۔ آج کاروبار کے دوران انڈیکس 2203 پوائنٹس کے بینڈ میں رہا جبکہ انڈیکس نے آج نئی بلند ترین سطح ایک لاکھ 41 ہزار 160 بنائی۔ بازار میں آج 60 کروڑ سے زائد شیئرز کے سودے ہوئے جن کی مالیت 50 ارب روپے سے زائد رہی۔ مارکیٹ کیپٹلائزیشن 203 ارب روپے اضافے سے 16 ہزار 906 ارب روپے ہوگئی ہے۔