شاہراہ بابوسر پر سرچ آپریشن، لاپتا افراد کی تلاش جاری

گلگت بلتستان (کھوج نیوز) سیلاب سے متاثرہ علاقوں میں بحالی اور ملبے سے گاڑیوں اور لاپتا افراد کی تلاش کے لئے حکومت کی جانب سے شاہراہ بابو سر پر سرچ آپریشن جاری ہے۔

تفصیلات کے مطابق گلگت بلتستان حکومت کے ترجمان فیض اللہ فراق کا کہنا تھا کہ سرچ آپریشن کے دوران سیلاب متاثرہ علاقوں میں بحالی کا کام تیزکیاگیا ہے، متعددگاڑیوں کو ملبے سے نکال لیا گیا ہے تاہم اس کے باوجود لاپتا افراد کا پتا نہیں چل سکا ہے۔ انہوں نے مزید کہا کہ وزیراعظم پاکستان شہباز شریف جلدگلگت بلتستان کادورہ کریں گے۔ فیض اللہ فراق نے بتایا کہ شاہراہ بابوسر اور دیگر علاقوں میں مواصلاتی نظام بحال ہے اور بیشتر رابطہ سڑکیں بحال کی ہیں۔