پشاور ہائیکورٹ کا فیصلہ، عمر ایوب اور شبلی فراز کو آزادی کا پروانہ جاری

پشاور (کھوج نیوز) پشاور ہائیکورٹ کا فیصلہ سامنے آنے کے بعد پاکستان تحریک انصا ف(پی ٹی آئی) کے رہنماء عمر ایوب اور شبلی فراز کو آزادی کا پروانہ مل گیا اور اب وہ آزاد ہیں۔

تفصیلات کے مطابق پشاور ہائیکورٹ نے شبلی فراز اور عمر ایوب کی نااہلی فیصلے کے خلاف درخواستوں پر محفوظ فیصلہ جاری کردیا۔ عدالت نے الیکشن کمیشن کو درخواست گزاروں کے خلاف مزید کارروائی سے روک دیا۔ عدالت نے حکم دیا کہ الیکشن کمیشن 5 اگست کے نوٹیفکیشن پر مزید کارروائی نہ کرے۔ فیصلے میں کہا گیا ہے کہ درخواست گزار فیصل آباد کے انسداد دہشت گردی عدالت سے سزا یافتہ ہیں، وکیل درخواست گزار نے کہا کہ فیصلے کے وقت درخواست گزار عدالت میں نہیں تھے اور درخواست گزار لاہور ہائیکورٹ میں سزاں کیخلاف اپیل کرنا چاہتے ہیں، الیکشن کمیشن نے بغیر سنے درخواست گزاروں کو نااہل قرار دیا۔