اسلام آباد(کھوج نیوز) کالا باغ ڈیم کے معاملے پر پاکستان تحریک انصاف کے رہنماء اسد قیصر نے وزیراعلیٰ خیبرپختونخوا علی امین گنڈا پور کو بیوقوف قرار دیدیا جس کے بعد ایک نئی بحث کا آغاز ہوگیا ہے۔
تفصیلات کے مطابق پاکستان تحریک انصاف کے رہنماء و سابق سپیکر قومی اسمبلی اسد قیصر کا کہنا تھا کہ کالا باغ ڈیم پر علی امین گنڈاپور کا بیان ذاتی ہے، پارٹی پالیسی نہیں، ہم نہیں سمجھتے اس وقت کالا باغ ڈیم کی کوئی ضرورت ہے۔ سینئر رہنما پی ٹی آئی اسد قیصر کا مزید کہنا تھا کہ متنازع چیزوں کو غیر ضروری طور پر چھیڑنا اچھا نہیں ہے۔ اسد قیصر کا کہنا تھا کہ اس وقت اور بھی چھوٹے چھوٹے ڈیم بنائے جاسکتے ہیں، علی امین کے اپنے علاقے میں چشمہ رائٹ بینک کینال کا ایک پراجیکٹ ہے، اس سے ان کے علاقیکی پانی کی ضرورت پوری ہو جائیگی۔
خیال رہے کہ وزیراعلیٰ خیبرپختونخوا علی امین گنڈاپور نے کہا ہے کہ کالا باغ جیسا ڈیم نہ بنانا ملک اور نسلوں کے ساتھ زیادتی ہے۔سب کو مطمئن کرکے آپ کو کالا باغ ڈیم جیسا پروجیکٹ اپنے بچوں، نسلوں اور پاکستان کے لیے مکمل کرنا چاہیے، میں صوبائیت کے چکر میں پورے پاکستان کو نقصان نہیں پہنچاسکتا، پورے پاکستان کے فائدے کو پیچھے نہیں دھکیل سکتا۔
