لاہور(کھوج نیوز) امیر بالاج قتل کیس کا مرکزی ملزم طیفی بٹ کو دبئی سے کیسے گرفتار کیا گیا؟ اس حوالے سے اندرونی کہانی سامنے آنے کے بعد ایک نئی بحث کا آغاز ہوگیا ہے ۔
تفصیلات کے مطابق پولیس نے بتایا ہے کہ طیفی بٹ کو دبئی میں ایک دعوت کے دوران گرفتار کیا گیا، دبئی میں محکمہ پولیس کے ایکسٹراڈیشن سیل کے ڈی ایس پی پہلے سے تقریب میں موجود تھے، ڈی ایس پی خالد وریا 2 اشتہاری ملزمان کی گرفتاری کے لیے دبئی گئے تھے۔
پولیس ذرائع کا کہنا ہے کہ طیفی بٹ ابھی دبئی پولیس کی حراست میں ہے، طیفی بٹ کی ریڈ وارنٹ کے تحت گرفتاری اور پاکستان روانگی کا عمل شروع کر دیا گیا ہے۔ ذرائع کا بتانا ہے کہ ویزا معیاد ختم ہونے پر طیفی بٹ ویزے کی تجدید کے لیے دبئی آیا تھا۔ پولیس کا بتانا ہے کہ ڈی ایس پی خالد وریا نے اشتہاری ملزمان کی گرفتاری کے لیے دبئی پولیس کے ساتھ کارروائی کی، بالاج قتل کیس کا مرکزی ملزم طیفی بٹ بھی اسی فلیٹ میں دعوت پر موجود تھا۔
