اسلام آباد(کھوج نیوز) نیپرا کی جانب سے عائد کیے جانے والے کروڑوں روپے کے جرمانہ پر کے الیکٹرک نے بھی اپنا جواب تیار کرلیا ہے؟ اس حوالے سے تمام تفصیلات سامنے آگئی ہیں۔
تفصیلات کے مطابق نیپرا نے بتایا ہے کہ کے الیکٹرک پر جرمانہ جنوری 2023ء میں پاور بریک ڈاؤن کے بعد بحالی میں ناکامی پر لگایا گیا۔ نیپرا کا کہنا ہے کہ کے الیکٹرک اپنی آپریشنز ذمہ داریاں ادا کرنے میں ناکام رہا، بار بارٹریپنگ سے ظاہر ہوا بلیک اسٹارٹ فیسلیٹی کی موک ٹیسٹنگ کا فقدان تھا۔ کے الیکٹرک کو 15 روز میں جرمانہ بینک میں جمع کرانے کا حکم دیاگیا ہے۔
دوسری جانب ترجمان کے الیکٹرک کا کہنا ہے کہ جنوری 2023ء میں این ٹی ڈی سی سسٹم میں خرابی کے باعث پاور بریک ڈاؤن پر کے الیکٹرک کو جرمانہ باعث حیرت ہے۔ ترجمان کے الیکٹرک کے مطابق نیپرا اتھارٹی کے فیصلے کا تفصیلی جائزہ لے رہے ہیں جس کے بعد آگے کا لائحہ عمل طے کریں گے۔
