اسلام آباد(کھوج نیوز) پاک افغان جنگ بندی پر چین نے خیر مقدم کیا ہے جبکہ یو این امدادی مشن برائے افغانستان نے بڑا مطالبہ کر دیا ہے، یہ مطالبہ کونسا تھا؟ اس حوالے تفصیل آگئی ہے۔
تفصیلات کے مطابق چینی وزارت خارجہ نے پاک افغان جنگ بندی کا خیر مقدم کرتے ہوئے کہا کہ چین تعلقات میں مسلسل بہتری کے لیے تعمیری کردار ادا کرنے کو تیار ہے اور چین مشترکہ تحمل ، مکمل اور دیرپا جنگ بندی کی حمایت کرتا ہے۔
پاکستان اور افغانستان کے درمیان تنازع کے دیرپا خاتمے کا مطالبہ کرتے ہوئے کہا کہ یو این امدادی مشن برائے افغانستان نے کہا کہ پاکستان اور افغانستان شہریوں کے تحفظ کے لیے لڑائی ختم کریں۔ پاکستان اور افغانستان کے درمیان گزشتہ روز شروع ہونے والی 48 گھنٹوں کی جنگ بندی پر عمل جاری ہے اور جنگ بندی کل شام تک جاری رہنے کا امکان ہے۔
