اسلام آباد(کھوج نیوز) پاکستان میں کونسے افغانی رہیں گے؟ اس حوالے سے وزیراعظم شہباز شریف کی زیر صدارت ہونے والے اجلاس میں فیصلہ ہوگیا، تفصیلات سامنے آگئیں۔
تفصیلات کے مطابق وزیراعظم شہباز شریف کی زیرِ صدارت اجلاس میں فیصلہ کیا گیا ہے کہ اب پاکستان میں وہ افغان رہے گا جس کے پاس ویزا ہوگا۔ وزیراعظم شہباز شریف کی زیرصدارت اجلاس میں تین صوبوں کے وزرائے اعلیٰ، وزیر اعظم آزاد کشمیر اور گلگت بلتستان شریک ہوئے۔ اجلاس میں وزیراعلی خیبر پختونخوا شریک نہیں ہوئے، ان کی نمائندگی مزمل اسلم نے کی۔ اجلاس میں افغان مہاجرین سے متعلق معاملات زیرغورآئے اور افغانستان کی جانب سے دراندازی، اشتعال انگیزی سے متعلق بھی تبادلہ خیال کیا گیا۔ اجلاس کوافغان مہاجرین کی وطن واپسی سے متعلق تفصیلی بریفنگ دی گئی اور بتایا گیا کہ پاکستان میں مقیم افغان مہاجرین کی مرحلہ وار وطن واپسی شروع کی گئی، 16اکتوبر2025 تک 14لاکھ77ہزار592 افغانیوں کو واپس بھیجاجاچکا۔
اجلاس میں فیصلہ کیا گیاکہ پاکستان میں صرف انہی افعان باشندوں کواجازت ہوگی جن کیپاس ویزاہوگا۔ بریفنگ میں کہا گیاکہ پاکستان میں غیرقانونی افغان باشندوں کو پناہ دینا اورانہیں گیسٹ ہاسزمیں قیام کی اجازت قانونا جرم ہے۔ بریفنگ میں کہا گیا کہ افغان مہاجرین کوکسی بھی قسم کی اضافی مہلت نہیں دی جائے گی اور افغان مہاجرین کی وطن واپسی جلد یقینی بنائی جائے گی، افغانستان کی جانب ایگزٹ پوائنٹس کوبڑھایا جارہاہے تاکہ افغانیوں کی وطن واپسی سہل اور تیزی سے ممکن ہو سکے۔
