اسلام آباد (کھوج نیوز) قومی مالیاتی کمیشن (این ایف سی )کا 18نومبر کو ہونے والا مجوزہ مشاورتی اجلاس ایک بار پھر ملتوی کر دیا گیا ، یہ اجلاس کیوں ملتوی ہوا؟ اندر کی بات سامنے آگئی۔
تفصیلات کے مطابق وزارت خزانہ کے ذرائع نے بتایا ہے کہ 18نومبر کا اجلاس ملتوی کرنے کے بارے صوبوں کو آگاہ کر دیا گیا ہے۔ ذرائع کے مطابق این ایف سی کا اجلاس 18نومبر کو نہ بلانے کی کوئی وجہ نہیں بتائی گئی۔ وفاقی وزارت خزانہ نے چاروں صوبوں کی مشاورت کے بعد 18نومبر کو اجلاس بلانے کے لیے وزیر اعظم ہاؤس سے منظوری مانگی تھی۔ وزیراعظم ہاؤس سے جواب نہ ملنے کے بعد صوبوں کو اجلاس ملتوی کرنے سے متعلق آگاہ کردیا گیا۔
