ڈیرہ اسماعیل خان (کھوج نیوز) ڈی آئی خان میں پولیس کی بکتربندگاڑی پر حملے میں2 اہلکار شہید ہوگئے’ جبکہ دھماکے میں زخمی ہونے والے اہلکاروں کو طبی امداد کیلئے مقامی اسپتال منتقل کر دیا گیا ہے۔
تفصیلات کے مطابق ڈی پی او سجاد احمد نے بتایا ہے کہ ڈی آئی خان میں ہتھالہ گلوٹی روڈ پر گاؤں ملنگ کے قریب دہشتگردوں نے پولیس کی بکتربندگاڑی پر ریموٹ کنٹرول بم سے نشانہ بنایا جس کے نتیجے میں 2 پولیس اہلکار شہید اور4زخمی ہوگئے۔ ڈی پی او نے بتایا کہ شہید اہلکاروں میں ڈرائیور محمدرمضان اور کانسٹیبل سیف الرحمان شامل ہیں۔ ڈی پی او کے مطابق زخمی اہلکاروں میں حوالدار شاہد،کانسٹیبل محبوب عالم، آصف اورکفایت شامل ہیں جنہیں فوری طبی امداد کے لیے اسپتال منتقل کردیا گیا ہے۔
