اسلام آباد(کھوج نیوز) اسلام آباد ہائیکورٹ کے4 ججز نے 27 ویں آئینی ترمیم سپریم کورٹ میں چیلنج کرنے کا فیصلہ کیا ہے، اس حوالے سے آئینی ترمیم کے خلاف درخواست کا ڈرافٹ تیار کرلیا گیا ہے۔
تفصیلات کے مطابق ذرائع کا کہنا ہے کہ جسٹس محسن اختر کیانی ، جسٹس بابر ستار ، جسٹس ثمن رفعت امتیاز اور جسٹس سردار اعجاز اسحاق خان درخواست گزاروں میں شامل ہیں۔ ذرائع کا کہنا ہے کہ جسٹس محسن اختر کیانی سمیت 4 ججز کی جانب سے آئینی ترمیم کو چیلنج کیا جائے گا۔ ذرائع کے مطابق ترمیم چیلنج کرنے کے لیے ڈرافٹ تیار کرکے سپریم کورٹ کو بھجوا دیا گیا، آج ہی 27 ویں ترمیم کے معاملے کو چیلنج کیا جائے گا۔
