اسلام آباد(کھوج نیوز) ہیومن رائٹس کمیشن آف پاکستان نے ملک میں بڑھتی ہوئی مہنگائی اور 27ویں آئینی ترمیم کے بعد ملک میں بڑے خطرے کی گھنٹی بجا دی ہے جو کہ بڑی خبر ہے۔
تفصیلات کے مطابق ہیومن رائٹس کمیشن آف پاکستان کا کہنا ہے کہ 27 ویں آئینی ترمیم عدلیہ کی آزادی کو کمزور کرتی ہے اور حکومتی اختیار بڑھاتی ہے جو اختیارات کا توازن رکھنے کے نظام کو نقصان پہنچاتا ہے۔ ایچ آر سی پی نے جبری گمشدگیوں، بغیر قانونی کارروائی کے حراستی مراکز اور شیڈول 4 کے غلط استعمال کو فوری طور پر ختم کرنے کا بھی مطالبہ کیاہے۔ ایچ آر سی پی کا کہنا ہے کہ عوامی عہدوں والے افراد کو تاحیات استثنیٰ دینا بھی غیر ضروری طاقت پیدا کرتا ہے لہٰذامضبوط اور منتخب مقامی حکومتیں جمہوریت کے لیے ضروری ہیں۔
