کراچی (کھوج نیوز) گرین لائن کامن کوریڈور کب کھولا جائے گا؟ اس حوالے سے میئر کراچی مرتضیٰ وہاب نے عوام کو بڑی خوشخبری سناتے ہوئے فائنل تاریخ کا اعلان کر دیا ہے۔
تفصیلات کے مطابق میئر کراچی مرتضی وہاب کا کہنا تھا گرین لائن کی تعمیر کے باعث لوگوں کو مشکلات کا سامنا رہا لیکن کام مکمل ہونے کے بعد سہولت مہیا ہوگی۔ انہوں نے کہا منصوبہ شروع کرتے وقت کے ایم سی کو اعتماد میں نہیں لیا گیا تھا، تاہم اب تمام مسائل کو حل کرنے کے لیے مشترکہ طور پر کام کیا جا رہا ہے، ہم نے وفاق سے منصوبے کے ٹائم لائن کی بات کی تھی، گرین لائن کامن کوریڈور 31 اکتوبر 2026 تک کھول دیا جائے گا۔ میئر کراچی کا کہنا تھا حکومت نے ریڈ لائن منصوبے کے مسائل بھی حل کر دیے ہیں، آئندہ چند روز میں اس پر باضابطہ کام شروع ہو جائے گا۔
