لاہور(کھوج نیوز) مسلم لیگ ن کے صدر میاں نوازشریف نے ضمنی انتخابات میں ن لیگی کارکنوں کو کامیاب ہونے پر مبارکباد دیتے ہوئے کہا کہ عوام نے انتشار کی سیاست کو مسترد کر دیا ہے۔
تفصیلات کے مطابق مسلم لیگ ن کے صدر میاں نواز شریف نے ضمنی انتخابات میں کامیابی پر ن لیگ کے امیدواروں اور کارکنوں کو مبارک باد دیتے ہوئے کہا کہ وزیراعظم شہباز شریف اور وزیر اعلیٰ پنجاب مریم نواز شریف کی محنت اور بے لوث خدمت ملک کو صحیح راہ پر واپس لا رہی ہیں۔ نواز شریف کا کہناتھا کہ پاکستانی عوام نے تشدد، انتشار اور تخریبی سیاست کو مستردکرکے ترقی، خوشحالی اور استحکام کے راستے کا انتخاب کرلیا ہے۔
