پاکستان

خیبرپختونخوا ، مختلف کاررائیوں میں کتنے دہشتگرد جہنم واصل ہوئے؟ رپورٹ آگئی

خیبرپختونخوا (کھوج نیوز) خیبرپختونخوا میں مختلف کارروائیوں کے دوران کتنے دہشتگردوں کو جہنم واصل کیا گیا؟ اس حوالے سے پختونخوا پولیس نے رواں سال کی رپورٹ جاری کر دی ہے۔

تفصیلات کے مطابق پختونخوا پولیس نے رواں سال کے دوران صوبے بھر میں ہلاک ہونے والے دہشت گردوں کا ڈیٹا مرتب کرلیا۔ سینٹرل پولیس آفس کے مطابق رواں سال مختلف کارروائیوں میں مجموعی طور پر 955 دہشت گردوں کو ہلاک کیا گیا۔ سینٹرل پولیس آفس کی رپورٹ کے مطابق پولیس اور کاؤنٹر ٹیررازم ڈپارٹمنٹ نے مختلف آپریشنز کے دوران 423 دہشت گردوں کو ہلاک کیاجبکہ سکیورٹی فورسز نے 532 دہشت گردوں کو ٹھکانے لگایا۔

کارروائیوں کے دوران ہلاک دہشت گردوں کے قبضے سے بھاری مقدار میں اسلحہ اور گولہ بارود بھی برآمد کیا گیا۔ سینٹرل پولیس آفس کے مطابق آپریشنز میں 33 اہم دہشت گرد کمانڈرز بھی مارے گئے۔ ہلاک دہشت گردوں کا تعلق وزیرستان، بنوں، ڈیرہ اسماعیل خان، مردان، کوہاٹ سمیت مختلف اضلاع سے تھا۔ رپورٹ کے مطابق سب سے زیادہ دہشت گرد بنوں، ڈی آئی خان، شمالی و جنوبی وزیرستان اور خیبر میں ہلاک کیے گئے، جبکہ کرم، اورکزئی اور ملاکنڈ میں بھی اہم کمانڈرز سمیت متعدد دہشت گرد مارے گئے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button