اسلام آباد(کھوج نیوز) پاکستان تحریک انصاف کے بانی عمران خان پاکستانی تاریخ کے سب سے وی آئی پی قیدی ہیں’ اس حوالے سے وزیر مملکت برائے داخلہ طلال چودری نے بڑا دعویٰ کر دیا ہے۔
تفصیلات کے مطابق طلال چوہدری نے کہا کہ سیاسی ڈرامہ لگانے کے لیے جیل رکھی ہوئی ہے ، یہ ڈرامہ لگانے کے لیے جیل کے سامنے بیٹھ جاتے ہیں، ضمنی انتخاب ہار گئے ، پرفارمنس کچھ نہیں ہے۔ پی ٹی آئی نے عمران خان سے ملاقات نہ کرانے کا معاملہ سینیٹ میں اٹھادیا۔ پی ٹی آئی کے سینیٹر فیصل جاوید نے کہا کہ بتایا جائے بانی پی ٹی آئی سے ملاقات کب کرائی جائیگی؟ جواب میں وزیرمملکت برائے داخلہ طلال چوہدری نے کہا کہ بانی پی ٹی آئی پاکستان کی تاریخ کے سب سے وی آئی پی قیدی ہیں ، بانی پی ٹی آئی کے پاس 6 بڑی بیرکس ہیں ، ملک میں کسی قیدی کے پاس باورچی اور ایکسرسائز مشینیں نہیں ہیں۔
