لاہور(کھوج نیوز) وزیراعلیٰ پنجاب مریم نواز نے پاکستان تحریک انصاف کے بانی عمران خان کو فتنہ قرار دیتے ہوئے کہا کہ خیبرپختونخوا میں12 سال اس فتنے کی مسلسل حکومت تھی، صوبہ کھنڈربن چکا ہے۔
تفصیلات کے مطابق وزیراعلیٰ پنجاب مریم نواز کا کہنا تھاکہ میٹرو بس نوازشریف کی لیگیسی ہے، لاہور، راولپنڈی اور ملتان میں میٹرو بس سروس بنی، اس سال دو میٹرو بس سروس بنانے کا فیصلہ کیا ہے، نوازشریف نے پاکستان کی جو خدمت کی ہے اس کا احساس وزیراعلی بننے کے بعد ہوا، پنجاب میں جو ترقیاتی کام کی تختی دیکھتی ہوں، نوازشریف اور شہباز شریف کا نام ہوتاہے۔
ان کا کہنا تھاکہ پچھلے وزیراعلیٰ ڈی جی خان سے تھے، ڈی جی خان میں کوئی ترقیاتی کام ڈھونڈتی رہی ، کچھ نہیں ملا، آج گجرات میں30 ملین کا کام ہورہاہے جس سے سیوریج کا کام کیا جارہاہے، خیبرپختونخوا میں12 سال اس فتنے کی مسلسل حکومت تھی، صوبہ کھنڈربن چکا ہے، پچھلے وزیراعلی کے پی نے اپنی تمام توجہ پنجاب پر حملہ آور ہونے پر لگائی، یہ وزیراعلی کے پی پوری سرکاری مشینری کے ساتھ اڈیالا کے باہر بیٹھا ہوتا ہے۔ انہوں نے کہاکہ ڈیڑھ سال کے بعد سب ڈیفالٹ کی باتیں بھول چکے ہیں، جو چار سال ملک میں حکومت کرکے گئے تھے وہ شادیانے بجا رہے تھے کہ ملک آج ڈیفالٹ ہوا یاکل۔
مریم نواز کا کہناتھاکہ ہری پور میں جو فیصلہ شیر کے حق میں آیا اس کے پیچھے نااہلی کی بہت بڑی داستان ہے، انہوں نے وزیراعلی کی کرسی کا مذاق بنا کر رکھ دیا ہے۔ انہوں نے کہا کہ مجھے رات کو نیند نہیں آتی کہ کہیں کوئی غریب تعلیم سینہ رہ جائے، علاج سے نہ رہ جائے، ایک لاکھ 20 ہزار گھر اس وقت بن رہے ہیں، 8 ماہ کی مدت میں ہزاروں کی تعداد میں گھر تعمیر ہوچکے ہیں جن کے پاس کوئی پلاٹ نہیں، ان کو قرعہ اندازی کے ذریعے چار ہزار پلاٹ دے رہیہیں۔
ان کا کہنا تھاکہ پندرہ لاکھ لوگوں کو راشن کارڈ د ے رہیہیں، اگلے سال تیس لاکھ لوگوں کو راشن کارڈ فراہم کیا جائیگا، 80 ہزار اسکالر شپس دے چکیہیں، ایک لاکھ لیپ ٹاپس دیچکے ہیں، اس سال کے آخر تک پنجاب کے کسی اسکول میں ایسا نہیں ہوگا جس میں سہولتوں کا فقدان ہو، پنجاب میں اسکولوں کیلئے اساتذہ کی بڑی تعداد میں بھر تیاں کی گئی ہیں، پہلی بار سرکاری اسکولوں میں داخلے کیلئے قطاریں لگی ہیں، پہلے بار پنجاب کے سرکاری اسکولوں میں داخلے کیلئے داخلہ ٹیسٹ لیے جارہیہیں، ہم بچوں کو ربوٹکس، اے آئی پڑھارہیہیں۔
وزیراعلی پنجاب کا کہنا ہے کہ ستھرا پنجاب پروگرام کیبارے میں فوربز نے کہا کہ یہ دنیا کا سب سے بڑا ویسٹ منیجمنٹ کا پروگرام ہے جہاں جہاں ڈرینج کا مسئلہ ہے وہاں نیا نظام لے کر آرہے ہیں، ایک سال بعد پنجاب میں ایسی کوئی جگہ نہیں ہوگی جہاں بارش کو کئی کئی فٹ پانی جمع ہوجائے، ہم 2600 ماڈل وویلجز بنائیں گے، لاہور میں چھ ہزار گلیوں کی تعمیر کی ہیں، اس سال کے آخر تک لاہور کی 16ہزار گلیوں کی تعمیر ہوگی، 12 ماہ میں بیس ہزار کلو میٹر سڑک پنجاب میں بنی اور ایک سال میں بیس ہزار کلو میٹر سڑک بن جانا معجزے سے کم نہیں، دو سال میں پنجاب میں تیس ہزار کلو میٹر سڑک بنا چکی ہوگی۔
