لاہور(کھوج نیوز) نیشنل ریگولیٹری ریفارمز کو تیزی سے عملی شکل دینے کے حوالے سے وزیراعظم شہباز شریف نے بڑا حکمنامہ جاری کر دیا ہے جس کے بعد تاجر برادری خوشی سے نہال ہو گئی ہے۔
تفصیلات کے مطابق وزیراعظم شہباز شریف نے نیشنل ریگولیٹری ریفارمز کی افتتاحی تقریب سے خطاب کرتے ہوئے کہا کہ اس پروگرام کو تیز رفتاری سے عملی شکل دی جائے تاکہ عوام حقیقی تبدیلی محسوس کر سکیں۔وزیراعظم نے کہا پاکستان معاشی طور پر بحران سے نکل چکا، معاشی اعشاریے بہتر ہوئے ہیں، اب معیشت کی پائیدار ترقی کے لیے غیر ملکی سرمایہ کاروں کو راغب کرنا ہے۔ان کا کہنا تھا پشاور سے کراچی تک ایسی تبدیلی جو صرف باتوں تک محدود نہ ہو بلکہ عملی اقدامات کی صورت میں سامنے آئے، ریگولیٹری ریفارمز ایک بڑا انقلابی قدم ہے جو کاروباری برادری اور زرعی صنعت کو سہولت فراہم کرے گا۔
