مئی کی جنگ، افواج پاکستان کا منہ توڑ جواب، بھارت ہمیشہ یاد رکھے گا: شہباز شریف

مظفر آباد(کھوج نیوز) وزیراعظم شہباز شریف کا کہنا تھا کہ مئی 2025ء میں ہونے والی پاک بھارت جنگ میں افواج پاکستان نے مخالفین کو منہ توڑ جواب دیا جو بھارت ہمیشہ یاد رکھے گا۔

تفصیلات کے مطابق وزیراعظم شہباز شریف کا کہنا تھا کہ لیپ ٹاپ کوئی مشین نہیں یہ ایک وژن ہے، اگر لیپ ٹاپ دینا رشوت ہوتی تو کیا آج ہمارے نوجوان ڈاکٹر اور انجینئر بن سکتے تھے؟ آج تک ایک لیپ ٹاپ بھی سفارش پر نہیں دیا۔ وزیراعظم شہباز شریف نے کہا آزادکشمیر میں چار دانش اسکولوں کی تعمیر کی منظوری دی ہے، جلد یہاں دانش یونیورسٹی بھی بنائیں گے۔ ان کا کہنا تھا مئی 2025ء کی جنگ میں افواج پاکستان نے ہندوستان کو وہ سبق سکھایا جو وہ ہمیشہ یاد رکھے گا، وہ وقت جلد آجائے گا جب کشمیر بنے گاپاکستان اور مقبوضہ کشمیر آزاد ہوگا، اتحاد اور یکجہتی کے ذریعے کشمیریوں کو ان کا حق دلوائیں گے۔