اسلام آباد(کھوج نیوز) وزیراعظم شہباز شریف نے کشمیر کے یوم حق خودارادیت کے موقع پر مسئلہ کشمیر کے حوالے سے بین الاقوامی برادری سے حیران کن مطالبہ کر دیا ہے۔
تفصیلات کے مطابق کشمیر کے یوم حق خور ارادیت کے موقع پر اپنے بیان میں وزیراعظم شہباز شریف نے کہا کہ5 جنوری 1949ء کویو این کمیشن برائے بھارت وپاکستان نے تاریخی قرارداد منظورکی۔ شہباز شریف نے کہا کہ قرارداد میں طے پایاکہ ریاست جموں وکشمیرکے مستقبل کا فیصلہ آزادانہ اور غیرجانبدارانہ رائے شماری سے ہوگا، افسوس کہ بھارت کے جموں وکشمیر پر غیرقانونی قبضے کے باعث یہ عہد پورا نہ ہو سکا۔
شہباز شریف نے کہا کہ بین الاقوامی برادری بھارت کے جابرانہ اقدامات کے خاتمے کے لیے اقدامات کرے۔ انہوں نے کہا کہ مقبوضہ کشمیرکے عوام گزشتہ 8 دہائیوں سے بھارتی قابض افواج کے مظالم کا سامنا کر رہے ہیں، مگر بھارتی جبروتشدد کے ہتھکنڈے کشمیری عوام کے عزم کوپست کرنے میں ناکام رہے۔
