اسلام آباد(کھوج نیوز) آئی ایم ایف کی جانب سے گورننس کی خامیوں کی نشاندہی کے بعد اہم فیصلہ سامنے آیا ہے، وزیراعظم شہباز شریف نے اقتصادی گورننس سسٹمزکے لیے کمیٹی تشکیل دے دی ہے۔
تفصیلات کے مطابق وفاقی وزیر خزانہ 15رکنی کمیٹی کے چیئرمین مقرر کیے گئے ہیں، کمیٹی کا قیام وزیراعظم کے اقتصادی گورننس اصلاحات کا حصہ ہے۔ کمیٹی سہ ماہی بنیادوں پر اپنی رپورٹ وزیراعظم کو پیش کرے گی۔ سیکرٹری خزانہ، سیکرٹری قانون، سیکرٹری منصوبہ بندی کمیٹی ارکان میں شامل ہیں۔ سیکرٹری ایس آئی ایف سی، سیکرٹری آئی ٹی، سیکرٹری اسٹیبلشمنٹ ڈویژن ارکان کا حصہ ہیں۔ کمیٹی میں سیکرٹری لا اینڈ جسٹس کمیشن، سیکرٹری سرمایہ کاری بورڈ بھی شامل ہیں۔
چیئرمین ایس ای سی پی،گورنر اسٹیٹ بینک، چیئرمین سی سی پی ارکان کاحصہ ہیں۔ ایم ڈی پیپرا، ڈی جی ٹیکس پالیسی آفس، ایڈیشنل آڈیٹر جنرل کمیٹی ارکان میں شامل ہیں۔ ایڈیشنل سیکرٹری خزانہ کمیٹی کیلئے سیکرٹری کے فرائض انجام دیں گے۔ وفاقی وزارت خزانہ کمیٹی کے لیے سیکرٹریل سپورٹ فراہم کرے گی۔
