اسلام آباد(کھوج نیوز) پاکستان اور یو اے ای کے درمیان پری امیگریشن کلیئرنس کا باضابطہ معاہدہ کرنے پر اتفاق کیاگیا ہے، یہ فیصلہ وزیر داخلہ محسن نقوی اور ڈی جی کسٹمز یو اے ای کی ملاقات میں کیا گیا۔
تفصیلات کے مطابق محسن نقوی اور یو ای اے کے ڈی جی کسٹمز و پورٹ سکیورٹی کے درمیان ملاقات میں اتفاق کیا گیا کہ پاک یوایای پری امیگریشن کلیئرنس کا باضابطہ معاہدہ کیا جائے گا، اس نئے نظام کا آغاز ابتدائی طور پر پائلٹ بنیادوں پر کیا جائے گا جب کہ پائلٹ منصوبے کا آغاز پہلے مرحلے میں کراچی سے کیا جائے گا۔
محسن نقوی نے کہا کہ معاہدیکے تحت مسافروں کی امیگریشن اور کلیئرنس پاکستان میں ہی ہوگی، مسافروں کوامیگریشن کی طویل کارروائی سے گزرنے کی ضرورت نہیں ہوگی، مسافر ڈومیسٹک مسافروں کی طرح سیدھا ائیرپورٹ سے باہر نکل سکیں گے، سفرمیں سہولت، وقت کی بچت اور مسافروں کے لیے مجموعی تجربہ بہتر ہوگا۔ اعلامیے کے مطابق پائلٹ منصوبے کو حتمی شکل دینے کیلئے حکام رابطہ کاری جاری رکھیں گے اور کامیاب پائلٹ پروجیکٹ کے بعد اس نظام کو بتدریج مزید مقامات تک توسیع دی جائے گی۔
