اسلام آباد(کھوج نیوز) افغان طالبان اور کالعدم تنظیم ٹی ٹی پی میں گٹھ جوڑ کے متعلق وزیراعظم میاں شہباز شریف نے بھانڈا پھوڑ کر ملک بھر سمیت دنیا بھر میں ایک نئی بحث شروع کر دی ہے۔
تفصیلات کے مطابق قومی پیغام امن کمیٹی کے ارکان سے گفتگو میں شہباز شریف کا کہنا تھا کہ دہشتگردی کا ناسور دوبارہ سر اٹھا رہا ہے، 2018ء کی طرح دہشتگردی کا سر کچل دیں گے، دہشتگردوں کو پاکستان کی سرحدوں سے اٹھاکر بحرہند میں ڈبو دیا جائے گا۔ انہوں نے کہا کہ افغان طالبان اور ٹی ٹی پی کے گٹھ جوڑ کے ٹھوس ثبوت ہیں اور دشمن کی طرف سے انہیں ہرطرح کے وسائل فراہم کیے جارہے ہیں۔
