اسلام آباد(کھوج نیوز) چاولوں کی برآمدگی میں پاکستان دینا کے تیسرے نمبر پر آگیا ہے، اس حوالے سے بین الاقوامی جریدہ گلف نیوز نے بھی پاکستانی چاول کی عالمی سطح پر پذیرائی پر مہر لگادی ہے۔
تفصیلات کے مطابق رپورٹ میں بتایا گیا ہے کہ سال 2026ء کے آغاز پر پاکستان دنیا کا تیسرا بڑا چاول برآمد کنندہ ملک بن گیا ہے۔ دسمبر 2025ء میں پاکستانی چاول کی برآمدات میں 14 فیصد ماہانہ اضافہ ریکارڈ کیا گیا۔ باسمتی چاول کی برآمدات میں 50 فیصد سے زائد اضافے نیکامیابی میں کلیدی کردار ادا کیا۔ دسمبر 2025ء میں پاکستان نے 4 لاکھ 89 ہزار ٹن چاول عالمی منڈیوں میں برآمدکیے۔ دسمبر2025ء میں ویتنام کی برآمدات 3 لاکھ 87 ہزار ٹن رہیں۔ پاکستان نے ویتنام پر سبقت حاصل کرکے عالمی درجہ بندی میں تیسری پوزیشن حاصل کرلی۔
