شوبز

محبت ہو تو ایسی، مقابلہ حسن ‘ اہلیہ کے دوسرے نمبر پر آنے پر شوہر کونسا انوکھا کام کیا؟

مقابلہ حسن میں حصہ لینے والی خاتون کے شوہر نے ان کے دوسرے نمبر پر آنے پر غصے میں سٹیج پر آکر مقابلہ جیتنے والی خاتون کا تاج توڑ دیا

برازیل(مانیٹرنگ ڈیسک) محبت ہو تو ایسی، مقابلہ حسن ‘ اہلیہ کے دوسرے نمبر پر آنے پر شوہر کونسا انوکھا کام کیا؟ برازیل میں ہونے والے مقابلہ حسن میں اہلیہ کے دوسرے نمبر پر آنے پر شوہر نے ماڈل کا تاج توڑ دیا۔

تفصیلات کے مطابق کے مطابق اس حیران کر دینے والے واقعے میں مقابلہ حسن میں حصہ لینے والی خاتون کے شوہر نے ان کے دوسرے نمبر پر آنے پر غصے میں سٹیج پر آکر مقابلہ جیتنے والی خاتون کا تاج توڑ دیا۔ انٹرنیشنل میڈیا کے مطابق یہ واقعہ سنیچر کے روز برازیل کے مقابلہ حسن میں پیش آیا۔ مقابلہ حسن جیتنے والی خاتون کا تاج توڑنے والے شخص کی ویڈیو سوشل میڈیا پر وائرل ہے۔ویڈیو میں دیکھا جا سکتا ہے کہ ایک خاتون فائنل میں پہنچنے والی نتھالی بیکر اور ایمانیولی بیلینی میں سے کسی ایک کو تاج پہنانے لگتی ہیں۔ جیسے ہی وہ ایمانیولی بیلینی کو تاج پہنانے لگتی ہیں، اس سے پہلے دوسرے نمبر پر آںے والی نتھالی بیکر کے شوہر سٹیج پر آکر ان کے ہاتھ سے تاج کھینچ کر زمین پر پھینک دیتے ہیں۔ اس کے علاوہ ویڈیو میں ناراض شوہر کو چیختے ہوئے بھی دیکھا جا سکتا ہے اور صرف یہی نہیں اپنی اہلیہ کو پکڑ کر اپنے ساتھ لے جاتے ہوئے انہوں نے ایک مرتبہ پھر تاج زور سے زمین پر مارا جس سے وہ ٹوٹ گیا۔ اس دوران مقابلہ جیتنے والی امیدوار سمیت تمام حاضرین ششدر رہ گئے۔

انٹرنیشنل میڈیا کے مطابق اس معاملے میں مقابلے کی سکیورٹی ٹیم نے مداخلت کرتے ہوئے تاج توڑنے والے شخص کو سٹیج کے پیچھے پکڑ لیا۔ مقابلہ حسن کی کوارڈینیٹر ملونی ہینسیچ کہتی ہیں کہ انہوں نے نتیجے کو جائز نہیں مانا اور اس وجہ سے یہ توڑ پھوڑ کی۔ وہ مزید کہتی ہیں کہ ہم مقابلہ حسن میں تاج پوشی کے وقت پیش آنے والے اس واقعے کی بھرپور مذمت کرتے ہیں۔ منتظمین نے اس بات پر زور دیا کہ مقابلہ حسن کے جج بیلینی کو فاتح قرار دینے میں حق بجانب تھے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button