پاکستانی ماسٹر پیس ڈرامہ سیریل ‘تیرے بن” نے سرحد پار بھی تہلکہ مچا دیا
ڈرامہ تیرے بن، یمنیٰ زیدی اور وہاج علی کی جوڑی پاکستان کے بعد اب ہمسایہ ملک بھارت میں مشہور ہوگئی
کراچی (کھوج نیوز، این این آئی)پاکستان ٹی وی انڈسٹری کی سب سے زیادہ پسند کی جانے والی جوڑی یمنیٰ زیدی اور وہاج علی کے سرحد پار بھی چرچے ہونے لگے۔سیونتھ اسکائی انٹرٹینمنٹ کا تخلیق کردہ ماسٹر پیس ڈرامہ سیریل ‘تیرے بن” اپنی مقبولیت کے بام عروج پر ہے۔
پاکستان بھر میں مسلسل پہلے نمبر پر ٹرینڈنگ کرنے والی ڈرامہ سیریل نے سرحد پار بھی تہلکہ مچادیا ۔ رواں ہفتے نشر ہونے والی اقساط نے ناصرف پاکستان بھر میں بلکہ سرحد پار بھی تہلکہ مچادیا ہے اور پڑوسی ملک میں حال ہی میں نشر ہونے والی قسط پہلے نمبر پر ٹرینڈنگ کررہی ہے۔ نوراں مقدم کی تحریر کردہ کہانی عشق کی ایک ایسی داستان ہے جس میں دو دِلوں کے بیچ انا کی بلند دیوار نے دیکھنے والی نگاہوں کو بے قرار کردیا ہے۔سراج الحق کی ہدایات میں کرداروں کی سحر انگیز اداکاری کے ساتھ ساتھ یہ دلچسپ ڈرامہ تکنیکی اور تخلیقی مہارتوں کو بھی انتہائی بلند معیار پر لے آیا ہے۔
اداکار عمران خان نے خبروں کی زینت بننے کے لئے بڑا جھوٹ بول دیا
