شبیر جان کی اداکارہ بیٹی یشمیرا کی شادی‘ نامورسٹارز کی شرکت

لاہور(شوبزڈیسک) سینیئر اداکار شبیر جان کی بیٹی و اداکارہ یشمیرا شادی کے بندھن میں بندھ گئیں۔گزشتہ شب کراچی میں شبیر جان کی بیٹی یشمیرا جان کے نکاح کی تقریب منعقد ہوئی جس کی تصاویر اور ویڈیوز سوشل میڈیا کی زینت بنی ہوئی ہیں اور کئی ایک وائرل بھی ہو رہی ہیں۔یشمیرا جان نے اپنے نکاح پر خوبصورت عروسی لباس زیب تن کیاہوا تھا جبکہ اُن کے دلہا میاں نے بھی اپنی دلہنیا کی طرح گولڈن رنگ کی شیروانی کا انتخاب کیاتھا۔

نکاح کی تقریب میں پاکستانی شوبز ستاروں نے بھی شرکت کی جن میں ہمایوں سعید، شائستہ لودھی، اُشنا شاہ، روبینہ اشرف، صدف کنول، بہروز سبزواری، شہروز سبزواری، نبیل ظفر، زیبا بختیار سمیت دیگر شامل تھے۔مداحوں کی جانب سے شبیر جان کو بیٹی کے نکاح کی مبارکباد دینے کا سلسلہ جاری ہے۔ اس سے قبل یشمیرا جان کی ڈھولکی کی تقریب کی تصاویر اور ویڈیوز بھی سوشل میڈیا پر وائرل ہوئی تھیں۔واضح رہے کہ شبیر جان کی بیٹی یشمیرا بھی اپنے والدین کے نقشِ قدم پر چلتے ہوئے شوبز انڈسٹری کا حصہ بن چکی ہیں، اُنہوں نے ڈرامہ سیریل“خودسر”میں“ردا”نامی لڑکی کا کردار ادا کیا تھا۔