کترینہ کیف کا پاؤں بھاری؟ پی آر ٹیم کی وضاحت آ گئی

لاہور(شوبزڈیسک) بالی ووڈ میں باربی ڈول کے نام سے معروف اداکارہ کترینہ کیف کے امید سے ہونے کی خبریں سوشل میڈیا پر گردش کررہی ہیں۔کترینہ کیف کچھ عرصے سے کیمرے کی دُنیا سے غائب ہیں لیکن اس دوران اداکارہ کی چند ویڈیوز اور تصاویر سوشل میڈیا پر وائرل ہوئیں جن میں سے کچھ ویڈیوز بھارتی میڈیا کے فوٹوگرافرز نے بنائی تھیں جبکہ کچھ ویڈیوز خفیہ طور پر چُھپ کر دور سے بنائی گئیں۔ان وائرل ویڈیوز اور تصاویر میں کترینہ کیف کو ڈھیلے لباس میں ملبوس دیکھا گیا جس کے بعد بھارتی میڈیا پر یہ قیاس آرائیاں کی جارہی تھیں کہ اداکارہ حاملہ ہیں اور اُنہوں نے اس خبر کو خفیہ رکھا ہوا ہے۔

ان قیاس آرائیوں پر کترینہ کیف اور اُن کے شوہر وکی کوشل تاحال خاموش ہیں لیکن اب اداکارہ کی پی آر ٹیم کا بیان سامنے آگیا ہے۔بھارتی میڈیا کے مطابق کترینہ کیف کی پی آر نے ان بیبنیاد خبروں پر ردعمل دیتے ہوئے اداکارہ کے حاملہ ہونے کی تردید کی۔کترینہ کیف کی پی آر ٹیم نے اپنے بیان میں کہا کہ تمام میڈیا ہاؤسز سے اپیل ہے کہ وہ غیر مصدقہ رپورٹنگ کو فوری طور پر بند کر دیں۔واضح رہے کہ کترینہ کیف اور وکی کوشل نے دسمبر 2021 میں شادی کی تھی۔