گلوکارہ ایڈیل ہجوم کو "شٹ اپ کال” دینے پرکیوں مجبور ہونا پڑا؟

ڈورٹمنڈ(شوبز ڈیسک)گلوکارہ ایڈیل ہجوم کو "شٹ اپ کال” دینے پرکیوں مجبور ہونا پڑا؟۔رپورٹ کے مطابق یورو کپ سیمی فائنل میں ہالی ووڈ کی مشہورگلوکارہ ایڈیل انگلینڈ کی پنالٹی کک کے دوران جذباتی ہوگئیں اورلوگوں کو خاموش کرواتی نظرآئیں۔ انگلینڈ اورسپین کے درمیان یورو کپ 2024 کا سیمی فائنل کافی سنسنی خیز تھا اور آخری لمحات میں انگلش پلیئر اولی ویٹکنز نے اپنی ٹیم کے لیے دوسرا گول کرکے بازی پلٹ دی، اپنی ٹیم کو سپورٹ کرنے کے لیے گراؤنڈ میں جذبات سے بھرپور گلوکارہ ایڈیل بھی موجود تھیں۔یورو 2024 کے سیمی فائنل کے دوران ایڈیل کی مقابلے کے لیے سنجیدگی دیکھنے سے تعلق رکھتی تھی، جب انگلینڈ کو پنالٹی ملی اور کپتان ہیری کین نے پینلٹی لینے کے لیے آئے تو ایڈیل اپنے ارد گرد موجود تماشائیوں کو خاموش کراتی نظر آئیں۔

جرمنی کے شہرڈورٹمنڈمیں انگلینڈ اورنیدرلینڈزکا مقابلہ کافی دلچسپ تھا اورشائقین لمحہ بہ لمحہ بدلتی صورتحال سےلطف اندوز ہوئے۔اس تنا ؤکےماحول میں 36 سالہ سٹارنےپینلٹی سےپہلےہجوم کو شٹ اپ! کہا اور اپنی توجہ پنالٹی کِک پر مرکوز کرنے کی کوشش کی جس کی ویڈیو سوشل میڈیا پر وائرل ہوگئی۔جیسے ہی انگلینڈ کے کپتان ہیری کین نے گیند کو جال میں پہنچایا تو وہاں موجود دوسرے مداحوں کی طرح ایڈیل بھی خوشی سے چیختی چلاتی نظر آئیں۔ خیال رہے کہ یورو کپ کے دوسرے سیمی فائنل میں انگلینڈ نے بھرپور مقابلے کے بعد نیدرلینڈز کو 1 کے مقابلے میں 2گول سے ہرایا تھا، فائنل میں انگلینڈ کا سامنا دفاعی چیمپئن سپین سے ہوگا۔