ادیتی را ئوحیدری17سال بعد پھر دلہن بن گئی’نکاح اسلامی ہوا یا ہندوانہ؟

لاہور(شوبزڈیسک)پروڈیوسر سنجے لیلا بھنسالی کی بلاک بسٹر ویب سیریز” ہیرا منڈی” کی اداکارہ ادیتی رائو حیدری اور اداکار سدھارتھ سورینارائن نے شادی کرلی۔بھارتی میڈیا کے مطابق ادیتی را حیدری اور سدھارتھ سورینارائن نے واناپارتھی کے 400 سال پرانے مندر میں شادی کی، شادی کی اس تقریب میں اس جوڑے کے اہلخانہ اور چند قریبی عزیز نے شرکت کی۔

ادیتی را حیدری اور سدھارتھ نے اپنے آفیشل انسٹاگرام ہینڈل پر اپنی شادی کی تصاویر شیئر کرکے مداحوں کو حیران کردیا ہے۔دلکش تصاویر میں دیکھا جاسکتا ہے کہ ادیتی را حیدری نے اپنی شادی کے خاص دن پر ہلکے میک اپ کے ساتھ ہلکے رنگ کی سادی سی ساڑھی زیب تن کی جبکہ سدھارتھ نے ہاف وائٹ رنگ کے لباس کا انتخاب کیا۔سدھارتھ اور ادیتی را حیدری نے اپنی مشترکہ پوسٹ میں ایک دوسرے سے مخاطب ہوتے ہوئے کہا کہ تم میرا سورج، میرا چاند اور میرے تمام ستارے ہو۔

بھارتی شوبز شخصیات اور مداحوں کی جانب سے ادیتی را حیدری اور سدھارتھ کو شادی کی مبارکباد دینے کا سلسلہ شروع ہوگیا ہے۔

یاد رہے کہ ادیتی را حیدری اور سدھارتھ نے رواں سال منگنی کی تھی، شروعات میں جوڑے نے منگنی کو خفیہ رکھا تھا لیکن بعد میں اداکارہ نے سوشل میڈیا پر سدھارتھ کے ہمراہ تصویر شیئر کرکے منگنی کا اعلان کردیا تھا۔واضح رہے کہ ادیتی راحیدری کی پہلی شادی اداکار ستیہ دیپ مشرا کے ساتھ ہوئی تھی۔ دونوں نے اپنی شادی کو خفیہ رکھا تھا لیکن بعد میں اس جوڑی کے درمیان طلاق ہوگئی تھی۔

دوسری جانب سدھارتھ نے سال 2003 میں میگھنا نارائن سے پہلی شادی کی تھی، ان کی یہ شادی طویل عرصے تک نہیں چل سکی اور سال 2007 میں دونوں میں علیحدگی ہوگئی تھی۔