فرح اقرار کا انکشاف: اقرار الحسن تین بیویوں کے ساتھ خوشگوار زندگی کیسے گزار رہے ہیں؟

لاہور(ویب ڈیسک)فرح اقرار جو ایک معروف پاکستانی اینکر پرسن اور یوٹیوبر ہیں، نے حال ہی میں اپنے شوہر اقرار الحسن کی تیسری شادی کے بارے میں اہم باتیں شیئر کیں۔ فرح اقرار نے بتایا کہ وہ اس معاملے پر پہلے پریشان ہوئیں، لیکن جب انہوں نے اسلام کے حوالے سے مزید مطالعہ کیا، تو وہ اس بات پر مطمئن ہو گئیں اور اپنے شوہر کو تیسری شادی کی اجازت دینے کا فیصلہ کیا۔ ان کا کہنا تھا کہ "اسلام میں تین شادیوں کی اجازت ہے اور میں نے اس پر پوری طرح سے غور کیا، اس لیے میں نے اقرار الحسن کو تیسری شادی کرنے کی اجازت دی۔”فرح اقرار نے مزید کہا کہ سوشل میڈیا پر اکثر ان کے اور اقرار الحسن کے درمیان اختلافات یا علیحدگی کی افواہیں گردش کرتی رہتی ہیں، مگر وہ ان باتوں پر زیادہ توجہ نہیں دیتی ہیں۔ ان کا کہنا تھا کہ "ہمارے معاشرتی دباؤ کے باوجود، میں نے ہمیشہ اقرار الحسن کے خاندان کو احترام دیا اور انہیں اپنے ساتھ لے کر چلنے کی کوشش کی۔”انہوں نے خواتین کے کردار کے بارے میں بھی بات کی اور کہا کہ "خواتین کا گھر چلانے میں بڑا کردار ہوتا ہے اور انہیں اکثر صبر اور سمجھوتے کرنا پڑتے ہیں، کیونکہ اللہ نے ان کی فطرت میں صبر رکھا ہے۔”فرح اقرار نے اس بات کا بھی ذکر کیا کہ انہوں نے ہمیشہ اپنے شوہر کی سابقہ بیویوں اور ان کے خاندان کے ساتھ تعاون کیا اور ان کے درمیان کبھی کسی قسم کا مقابلہ یا تنازعہ نہیں ہوا۔ ان کے مطابق، اس طرح کی سوچ نے ان کی زندگی کو ہنسی خوشی اور سکون سے بھر دیا ہے۔