سونا کشی سنہا کو ماضی میں کس اداکار نے ٹھکرایا؟ نام سامنے آگئے

ممبئی (شوبز ڈیسک) بالی ووڈ کی مشہور و معروف اداکارہ سوناکشی سنہا کو ماضی میں کس اداکار نے ٹھکرایا؟ اس حوالے سے نام سامنے آنے کے بعد شوبز حلقوں سمیت مداحوں میں ہلچل مچ گئی ہے۔

انٹرنیشنل میڈیا کے مطابق بھارتی اداکارہ سوناکشی نے انکشاف کیا کہ بالی ووڈ میں خواتین کو مردوں پر ترجیح دی جاتی ہے لیکن ماضی میں ایک اداکار نے میرے ساتھ یہ کہہ کر فلم کرنے سے انکار کردیا تھا کہ میں ان سے بڑی لگ رہی ہوں۔ سوناکشی نے اداکار کا نام لیے بغیر ان کی اس حرکت پر ردعمل دیتے ہوئے کہا کہ میں خود کو اس لیے خوش قسمت سمجھتی ہوں کیوں کہ مجھے ایسے اداکار کے ساتھ کام نہیں کرنا پڑا، میں خود بھی ایسے لوگوں کے ساتھ کام کرنے میں دلچسپی نہیں رکھتی۔دوسری جانب میڈیا پر سوناکشی کو بڑی عمر کا کہہ کر فلم سے نکلوانے والے اداکار کیلئے رنبیر کپور کا نام لیا جارہا ہے۔