گلابی بالوں والی حسینہ کون ہے ؟ حیران کن تفصیلات منظر عام پر آگئیں

سپین (مانیٹرنگ ڈیسک)ایک ایسی ماڈل جس کی حقیقت سے لو گ واقف نہیں۔گلابی بالوں والی یہ حسینہ دراصل انتہائی مہارت سے تیار کی گئی ورچوئل ماڈل ہے۔ اس اے آئی ماڈل کی تخلیق نے حقیقی سوشل میڈیا انفلوئنسرز کے لیے خطرہ پیدا کردیا ہے۔اس اے آئی ماڈل کا نام ایٹانا ہے جسے دی کلیو لیس ایجنسی کے بانی روبن کروز کی جانب سے تخلیق کیا گیا ہے۔ اے آئی انفلوئنسر نہ صرف غیرمعمولی طور پر حقیقت سے قریب تر معلوم ہوتی ہے بلکہ انفلوئنسرز کی دنیا میں نت نئے ٹرینڈ بھی سیٹ کر رہی ہے۔روبن کروز کا کہنا ہے کہ حقیقی سوشل میڈیا انفلوئنسرز کی جانب سے اپنی مصنوعات کی موثر تشہیر میں ناکامی اور ان کے نخروں کی وجہ سے ان کے ذہن میں ایک اے آئی ماڈل بنانے کا خیال آیا تھا۔حقیقی سوشل میڈیا انفلوئنسرز کے برعکس چونکہ ایٹانا اے آئی کی تخلیق ہے، اس لیے ماڈل کی روزمرہ زندگی کو ڈیزائنرز اور اے آئی ایکپسرٹس پر مشتمل ٹیم تشکیل دیتی ہے، جس میں فوٹوشاپ اور دیگر ٹولز کی مدد سے ایٹانا کی روزمرہ زندگی کی سرگرمیوں پر مشتمل تصاویر اور ویڈیوز تخلیق کی جاتی ہیں۔

اس 25 سالہ حسینہ جس کے انسٹاگرام پر 3 لاکھ سے زائد فالوورز موجود ہیں اور اس کی ماہانہ کمائی 10 ہزار یورو سے زیادہ ہے یعنی پاکستانی روپوں میں تقریبا 30 لاکھ روپے کے برابر ہے۔حیرت کی بات یہ ہے کہ بہت سے لوگ ایٹانا کی حقیقت سے اب تک بے خبر ہیں اور کئی مشہور شخصیات کی جانب سے ایٹانا کو نجی پیغامات بھی بھیجے جاچکے ہیں۔