راکھی ساونت کا پاکستانی اداکارائوں کو چیلنج، ہانیہ عامر کا کرارا جواب، سوشل میڈیا پر نئی بحث کا آغاز

اسلام آباد(کھوج نیوز) بالی ووڈ کی معروف رقاصہ راکھی ساونت نے پاکستانی اداکارائوں کو چیلنج کیا جس پر ہانیہ عامر نے بھی کرارا جواب دے دیا جس پر سوشل میڈیا پر نئی بحث کا آغاز ہوگیا ہے۔

تفصیلات کے مطابق بالی ووڈ کی معروف رقاصہ راکھی ساونت نے پاکستان کی معروف اداکارائوں کو ڈانس کا چیلنج دیا تھا اور اس حوالے سے ان کا ایک ویڈیو کلپ بھی سوشل میڈیا پر وائرل ہو رہا ہے جس میں بھارتی اداکارہ نے پاکستانی اداکاراؤں کو ڈانس کے میدان میں شکست کا مزاح چکھانے کا چیلنج دیا ہے۔راکھی ساونت کی جانب سے کہا گیا ہے کہ پاکستان سے ہانیہ عامر، دیدار اور نرگس کو لے آ ؤمیں سب کو ہرا دوں گی۔ اس کے ساتھ ہی اداکارہ نے چیلنج کرتے ہوئے یہ بھی کہا کہ میں سب کو شکست دے دوں گی کیونکہ میں بالی وڈ کی آئٹم گرل ہوں اور میں رئیلیٹی شو کی ملکہ ہوں، چاہے کوئی ڈانس ہو یا کوئی رئیلیٹی شو سب میں ہرا دوں گی۔ راکھی ساونت نے اپنی ویڈیو کے آخر میں کہا کہ میں ان تینوں پاکستانی اداکاراؤں کا کام بگاڑ دوں گی۔

دوسری جانب ہانیہ عامر بھی راکھی ساونت کے اس چیلنج کا جواب دیے بغیر رہ نہ سکیں اور انہوں نے راکھی کی نقل اتارتے ہوئے اپنی ویڈیو بنا ڈالی جو انہوں نے انسٹاگرام پر شیئر کی۔ ہانیہ عامر کی اس ویڈیو کے بعد صارفین کی جانب سے مزاحیہ تبصروں کا سلسلہ جاری ہے۔