پنجاب حکومت کا بڑا اعلان، تھیٹرز مالکان اور فنکاروں پر تاحیات پابندی کا فیصلہ

لاہور(شوبز ڈیسک) پنجاب حکومت نے بڑا اعلان کر دیا ہے جس کے بعد تھیٹرز مالکان اور فنکاروں پر تاحیات پابندی کا اصولی فیصلہ کرلیا گیا ہے یہ فنکار اور تھیٹرز کون سے ہیں؟ تفصیلات سامنے آگئیں۔

تفصیلات کے مطابق وزیر اطلاعات پنجاب عظمی بخاری تھیٹرمیں فحاشی اور بے حیائی پھلانے پر تھیٹرمالکان پر شدید برہم، وزیر اطلاعات نے پنجاب آرٹس کونسل کو تمام تھیٹرز مالکان سے انڈرٹیکنگ لینے کی بھی ہدایت کر دی۔انڈرٹیکنگ کے بعد سیل شدہ تھیٹرز کو کھولنے کا حکم دیا گیا ۔ اس حوالے سے وزیراطلاعات و ثقافت پنجاب عظمی بخاری کی تھیٹرمالکان سے ملاقات ہوئی۔ وزیر اطلاعات نے کہا کہ وزیراعلیٰ پنجاب مریم نواز کے ہوتے ہوئے تھیٹرز میں بے حیائی اور فحاشی پھلانے کی اجازت نہیں دی جائے گی۔ پنجاب میں ایسے تھیڑز ڈرامے بننے چاہیئں جہاں فیملیز دیکھنے آئیں۔ تھیٹرز ڈرامے سماجی موضوعات پر مبنی ہونے چاہیئں جس سے عوام کی رہنمائی ہوسکے۔ جن تھیٹرز مالکان اور اداکاروں کو فحاشی پھیلانے کا شوق ہے وہ پنجاب میں ڈرامہ نہیں کرسکتے۔