بالی وڈ اداکارہ کو کس نے تھپڑ مارے اور کیوں؟
روینہ ٹنڈن کی بیٹی راشا تھاڈانی کا کہنا ہے کہ جب میں بچی تھی تو کئی بار تھپڑ بھی پڑ جاتے تھے، بچپن میں اپنے ناخن کترتی تھی تو والدہ ان پر ٹیپ لگا دیتی تھیں تاکہ میں ایسا نہ کر سکوں
ممبئی(شوبز ڈیسک)ماضی کی سپراسٹار روینہ ٹنڈن کی بیٹی راشا تھاڈانی کی پہلی فلم ریلیز ہونے کے بعد ایک انٹرویو میں راشا نے اپنی والدہ روینہ ٹنڈن کے ساتھ بہترین تعلقات پر روشنی ڈالتے ہوئے کہا کہ وہ میری بہترین دوست ہیں اور بہت ہی کول ماں ہیں۔
19 سالہ اداکارہ نے مزید بتایا کہ جب میں بچی تھی تو کئی بار تھپڑ بھی پڑ جاتے تھے۔ انھوں نے کہا میں بچپن میں اپنے ناخن کترتی تھی تو والدہ ان پر ٹیپ لگا دیتی تھیں تاکہ میں ایسا نہ کر سکوں۔راشا تھاڈانی نے اپنی شرارتوں کا ذکر کرتے ہوئے کہا کہ میں بہت شرارتی تھی، بہت زیادہ مستی کرتی تھی، ممی پاپا حیران ہو جاتے تھے۔ اگر روینہ کہتی تھیں کہ یہ نہیں کرنا تو میں کہتی تھی اوکے ماما، مگر ٹھیک ایک منٹ بعد وہی کام کرتی تھی۔ان کے اس بے باک انکشاف نے مداحوں میں دلچسپی پیدا کر دی ہے اور ان کی باتوں سے اندازہ ہوتا ہے کہ وہ اپنی والدہ سے گہرا رشتہ رکھتی ہیں۔
راشا تھا ڈانی نے فلم آزاد سے ڈیبیو کیا، جو کوئی خاص کامیابی حاصل نہ کر سکی، تاہم راشا کی اداکاری اور رقص نے ناظرین کی توجہ حاصل کی۔
