فرشی شلوار کس عمر کی لڑکیوں کے ساتھ اچھی لگے گی؟معروف ڈیزائنر نے بتا دیا

کراچی(شوبز ڈیسک )آج کل سو شک میڈیا پر فرشی شلوار کے بہت زیادہ چرچے ہیں ۔یہ فرشی شلوار فیشن سے نکل کر میمز کی دنیا کا حصہ بن گئی ہے وہیں ہر کوئی اب اس فیشن کو اپنانے کی سوچ کر عید الفطر پر اسے بنوا رہا ہے تاہم ہر جسامت کی خواتین کیلئے فرشی شلوار ایک اچھا آپشن نہیں ہے۔

فرشی شلوار پر بات کرتے ہوئے پاکستان کی معروف ڈیزائنر ماریہ بی نے ایک ویڈیو پیغام میں بتایا ہے کہ کونسی خواتین فرشی شلوار کا ٹرینڈ اپنا سکتی ہیں اور کون نہیں۔ ماریہ بی نے بتایا کہ فیشن لمبی اور پتلی لڑکیوں کیلئے بنا ہے جو کم عمر بھی ہوں یعنی ماریہ اپنی بیٹی کو یہ فرش کو چھوتی شلوار روز پہنتا دیکھ سکتی ہیں مگر وہ خود 43 برس کی ہیں اس لئے وہ اس فیشن کو نہیں اپنائیں گی ۔ماریہ کا کہنا تھا کہ زیادہ عمر والی خواتین اور خاص طور پر چھوٹے قد اور صحت مند جسامت والی خواتین پر یہ فیشن اسٹائل ہرگز اچھا نہیں لگے گا۔ البتہ لمبی اور پتلی کم عمر لڑکیاں اس میں زیادہ اسٹائلش لگیں گی۔

ماریہ بی کیونکہ خود بھی صحت مند جسامت رکھتی ہیں اس لئے انہوں نے اپنی ویڈیو میں 4 مختلف سوٹ پہن کر دکھائے جس میں دو فرشی شلوار والے سوٹ اور دو سگریٹ پینٹ والے سوٹ تھے جس میں واضح نظر آرہا تھا کہ ماریہ بی سگریٹ پینٹ والے ڈریس میں زیادہ حسین لگ رہیں تھیں۔