فلم سکندر کی ناکامی، اکشے کمار کا سلمان خان کے متعلق بڑا انکشاف
سلمان ایسی نسل کا ٹائیگر ہے جو زندگی میں کبھی مر نہیں سکتا، میرا دوست ہے اور میں ہمیشہ اس کے ساتھ ہوں: اکشے کمار کا سلمان کے متعلق بڑا دعویٰ
ممبئی (مانیٹرنگ ڈیسک) بالی ووڈ کے اداکار سلمان خان کی عید الفطر پر ریلیز ہونے والی فلم سکندر کی ناکامی کے بعد اکشے کمار نے دبنگ خان کے متعلق بڑا انکشاف کرکے سب کو حیران کر دیا ہے۔
انٹرنیشنل میڈیا کے مطابق سلمان خان کی فلم سکندر عید الفطر پر ریلیز ہوئی تھی لیکن یہ فلم باکس آفس پر ناکام ہوگئی۔ 200 کروڑ بجٹ میں بننے والی سکندر اب تک بھارت میں 128 کروڑ کما سکی ہے۔ سکندر کی ناکامی نے سلمان خان کو پریشان کیا ہے اور اب ایک بار پھر وہ فٹنس پر دھیان دینے لگے ہیں۔
سکندر کے فلاپ ہونے پر اکشے کمار نے بھی ردعمل کا اظہار کیا اور دہلی میں اپنی فلم کیسری 2 کی تقریب میں سکندر سے متعلق سوال پر کہا کہ ایسا ہو نہیں سکتا ٹائیگر زندہ ہے اور ہمیشہ رہے گا۔ انہوں نے کہا کہ سلمان ایسی نسل کا ٹائیگر ہے جو زندگی میں کبھی مر نہیں سکتا، میرا دوست ہے اور میں ہمیشہ اس کے ساتھ ہوں۔
