ثناء عسکری نے پاکستانی اداکاروں پر سنسنی خیز الزام لگا دیا

کراچی (شوبز ڈیسک) پاکستان کی اداکارہ ثناء عسکری نے پاکستانی اداکاروں پر سنسنی خیز الزام لگا دیا ہے جس کے بعد شوبز انڈسٹری میں آگے کیا کچھ ہونے والا ہے سب ہکا بکا رہ گئے ہیں۔

تفصیلات کے مطابق اداکارہ ثناء عسکری کا کہنا تھا کہ اگر وہ ایک چھینک بھی مارنے کیلئے بلائیں گے تو پاکستانی وہاں دوڑتے ہوئے چلے جائیں گے کہ ہمیں بھارت نے بلایا ہے۔ اداکارہ کا کہنا تھا کہ میرا خیال ہے عزت سے کام کریں، اگر وہ آپ کو عزت سے بلارہے ہیں تو، دونوں ممالک کی جانب سے مشترکہ طور پر ہونا چاہیے کہ بھارتی اداکار پاکستان آکر بھی کام کریں اور ہمارے والے بھی وہاں جا کر کام کرسکیں۔ اداکارہ نے کہا کہ اگر آپ کو بھارت میں کام کرنے کی اجازت نہیں ہے تو آپ وہاں جا کر کام کیوں کرنا چاہتے ہیں؟ ابھی بھی بھارتی بول رہے ہیں کہ پاکستانی اداکار فواد خان کو فلم میں بین کرو۔ انہوں نے کہا کہ آپ کے ملک میں بہت عزت دی جاتی ہے، لوگ محبت کرتے ہیں اور خاص طور پر ڈراموں سے بہت محبت ملتی ہے، ہمیں شاید ایک اسٹار والی اہمیت دینے نہیں آتی، ہم ایک دوسرے کی ٹانگ کھینچنے میں لگے ہوتے ہیں۔