اداکار احسن خان نے خواتین کے متعلق بڑا بیان داغ دیا

کراچی (شوبز ڈیسک) پاکستان شوبز انڈسٹری کے مشہور اداکار احسن خان نے خواتین کے متعلق بڑا بیان داغ دیا جس کے بعد پورے ملک میں ایک نئی بحث اور ہلچل مچ گئی ہے۔

تفصیلات کے مطابق اداکار احسن خان کا کہنا تھا کہ ہم خواتین کو آگے بڑھانے میں انویسٹ نہیں کرتے، عورت کو اتنا خودمختار کردو کہ اسے زندگی کا سب پتا ہو، لیکن خودمختار ہونے کا یہ مطلب نہیں ہے کہ عورت اپنے اصول، ثقافت اور مذہب چھوڑ دے، خاتون کو ہر چیز کی معلومات ہوگی تو وہ زیادہ اچھے طریقے سے چیزوں کو سمجھ سکے گی۔

احسن خان نے مزید کہا کہ ہمیں اپنی زندگی کو کیسے گزارنا ہے، یہ ہم اپنے بہترین لوگوں سے سیکھتے ہیں اور ہمارے لیے بہترین مثالیں یہ (حضرت خدیجہ جیسی) ہستیاں ہیں۔ انہوں نے مثال دیتے ہوئے کہا کہ بہت سی خواتین ایسی ہیں جن کی شوہر سے علیحدگی ہوچکی ہے یا ان کے شوہر دنیا سے کوچ کرچکے ہیں تو ایسی خواتین کو نہیں معلوم کہ انہوں نے دنیا پر کرنا کیا ہے، بہت سے لوگ اسے ماڈرن بات کی طرف لے جائیں گے لیکن میں کوئی ماڈرن بات نہیں کر رہا، میں ایک مذہبی بات کر رہا ہے اور حضرت خدیجہ کی مثال ہمارے سامنے ہے کہ وہ ایک خودمختار خاتون تھیں۔