عامر خان کے گھر پولیس افسران کی آمد، معاملہ کیا نکلا؟

ممبئی (شوبز ڈیسک) بالی ووڈ کے میگا سٹار عامر خان کے گھر پولیس افسران کیوں پہنچے؟ آخر کار معاملہ کیا تھا؟ اس حوالے سے تفصیلات منظر عام پر آنے کے بعد شوبز حلقوں میں ہلچل مچ گئی۔

انٹرنیشنل میڈیا کے مطابق ممبئی کے علاقے باندرہ میں بھارتی پولیس کے 25 افسر پہنچے اور عامر خان سے ملاقات کی۔ عامر خان کے گھر سے باہر نکلنے کی پولیس افسران کی ویڈیو سوشل میڈیا پر وائرل ہوگئیں اور مداحوں نے پریشانی کا اظہار کیا۔ میڈیا نے عامر خان کی ٹیم کے حوالے سے بتایاکہ بھارتی پولیس افسران کے اچانک دورے کی وجہ معلوم نہیں اور ہم بھی اداکار سے مل کر سمجھنے کی کوشش کر رہے ہیں۔ بھارتی ٹی وی نے دعوی کیا ہے کہ بھارتی پولیس کے تربیت حاصل کرنے والے افسران نے عامر خان سے ملاقات کی درخواست کی تھی جس کے بعد 25 افراد کی ٹیم کوان کے گھر بھجوایا گیا۔