اداکارہ و ماڈل حفصہ بٹ نے کس پروڈیوسر پر شرمناک الزام لگایا؟
میں جب نئی نئی شوبز انڈسٹری میں آئی تو مجھے ایک پروڈیوسر نے اچھا کام دینے کے عوض مجھے ہراساں کرنے کی کوشش کی تھی' حفصہ بٹ کا چونکا دینے والا انکشاف
کراچی (شوبز ڈیسک) پاکستان کی ابھرتی ہوئی اداکارہ و ماڈل حفصہ بٹ نے کون سے پروڈیوسر پر شرمناک الزام لگایا اور انہوں نے یہ الزام کیوں لگایا؟ اس حوالے سے بڑا راز فاش ہوگیا ۔
تفصیلات کے مطابق اداکارہ و ماڈل حفصہ بٹ نے اعتراف کیا کہ شوبز کیرئیر کے آغاز میں مجھے کاسٹنگ کاچ کی جانب سے انتہائی غیر مناسب مطالبے کا سامنا کرنا پڑا تھا۔ انہوں نے کہا کہ شوبز میں ہراسانی سب کے ساتھ ہوتی ہے میرے ساتھ بھی ہوئی تھی لیکن پھر مجھے بتایا گیا کہ یہ سب نارمل ہے ۔اداکارہ کے مطابق شوبز کے آغاز میں ہی ایک پروڈیوسر نے مجھ سے بذریعہ وائس نوٹ سوال کیا کہ کیا میں نے کبھی کوئی مرکزی کردار ادا کیا ہے؟ میرے انکار پر اس پروڈیوسر کا اگلا وائس نوٹ تھاکہ اگر میں آپ کو کسی پروجیکٹ کیلئے مرکزی کردارآفر کروں تو اس کا کچھ فائدہ تو مجھے بھی ہونا چاہیے۔
حفصہ نے بتایا کہ اس میسج کے بعد جب میں نے پروڈیوسر سے فائدے کا مطلب پوچھا تو انہوں نے مجھ سے انتہائی نامناسب بات کی۔ ان کا کہنا تھا کہ اس میسج کے بعد میں نے اس شخص کو بلاک کردیا جس کے بعد اگلے روز ہی مجھے کسی دوسرے نمبر سے کال آئی، کال پر پروڈیوسر نے اپنی خفت مٹانے کیلئے کہا کہ وہ بات میں نے آپ کیلئے نہیں کی تھی۔ انہوں نے کہاکہ جب میں نے اس واقعے کا ذکر اپنی ایک کولیگ سے کیا تو اس نے مجھے بتایا کہ شوبز میں یہ سب بہت نارمل ہے، بعد ازاں کچھ سالوں بعد اس پروڈیوسر سے ملاقات ہوئی اور بہت نارمل انداز میں ہوئی۔
