ساحر لودھی نے اپنی زندگی کا بڑا راز فاش کر دیا

کراچی (شوبز ڈیسک) اداکار و میزبان ساحر لودھی نے اپنی زندگی کا بڑا راز فاش کر دیا جس کے بعد شوبز حلقوں میں ہلچل مچ جانے کے بعد ان کے مداح بھی حیران و پریشان رہ گئے ہیں۔

تفصیلات کے مطابق اداکار و میزبانی ساحر لودھی کا کہنا تھا کہ میں مختلف پراجیکٹس کیلئے کام کر رہا ہوں، میرے پاس اپنی ذات کیلئے وقت ہی نہیں، پورا دن میں صرف 2 گھنٹے سوتا ہوں۔ ان کا کہنا تھاکہ میں صبح 6:30 بجے سوکر اٹھتا ہوں، 8 بجے گھر سے جم کیلئے نکل جاتا ہوں اور پھر اپنے کاموں کا آغاز کرتا ہوں۔ ساحر لودھی نے ٹرولنگ کرنیوالوں کو جواب دیتے ہوئے کہا کہ تنقید کا میری زندگی پر کوئی اثر نہیں ہوتا ،کچھ تبصرے کبھی کبھار ہرٹ کر دیتے ہیں لیکن بطور انسان آپ کے پاس تنقید کرنے کا حق ہے، میں نے ان ٹرولرز کو دنیا میں بھی معاف کیا اور روز محشر تو میری کوئی حیثیت ہی نہیں انھیں معاف کرنے کی جو مجھ سے محبت کرتے ہیں انھیں تھینک یو اور جو مجھ سے نفرت کرتے ہیں ان کیلئے کوئی بات نہیں۔