ممبئی (شوبز ڈیسک) بھارتی ٹیلی ویژن کے معروف و مشہور اداکار علی گونی اور ان کی گرل فرینڈ کو ہندوئوں کا نعرہ نہ لگانا مہنگا پڑ گیا ، ان کو جان سے مار دینے کی دھمکیاں کس نے دیں؟
انٹرنیشنل میڈیا کے مطابق علی گونی نے سوشل میڈیا پر ٹرولز کو آڑے ہاتھوں لیتے ہوئے کہا کہ ذاتی عقائد اور مذہبی آزادی پر حملہ ناقابلِ برداشت ہے۔ اداکار کے مطابق کچھ انتہا پسند عناصر ان کی ساتھی فنکارہ اور قریبی دوست جیسمین بھسین کو بھی نشانہ بنا رہے ہیں اور اسے بھی مارنے کی دھمکیاں دے رہے ہیں۔ مسلمانوں کے خلاف منفی رویوں پر سخت ردعمل دیتے ہوئے علی گونی نے واضح کیا کہ میری ماں، بہن یا جیسمین کے بارے میں کوئی کچھ بولے گا تو میں ہرگز برداشت نہیں کروں گا۔ علی گونی نے مزید کہا کہ ہر شخص کو اپنے مذہب اور عقائد کے مطابق زندگی گزارنے کا حق حاصل ہے اور کسی پر مخصوص مذہبی نعرے یا رسم و رواج مسلط کرنا درست بات نہیں ہے۔
